Midowga Afrika ayaa laalay xayiraaddii lasaaray ubinimada dalka Suudaan ee dhanka Qaaradda,ka dib markii la soo afjaray 3-bilood oo khalalaaso siyaasadeed oo ka taagneed dalkaasi isla markana la dhisay dowlad ay hoggaanka u hayaan rayidka.
Go’aankaan oo lagu dhawaaqay maalinimadii shalay ayaa yimid ka gadaal markii R/wasaaraha cusub Abdalla Hamdo uu dhisay Golihii Wasiirada,taas oo qeyb ka ah 3-sano oo ku meel gaar ah oo ay awoodda wada qeybsanayaan ciidamada iyo kooxihii waday kacdoonka rayidka.
Wasiirka Arimaha Dibadda ee dalka Suudaan ayaa go’aankaasi ay gaareen Midowga Afrika ku tilmaantay tallaabo loo qaaday horumarka dalka Suudaan wuxuuna yiri Wasiirku “waa muhiim inaan dib-u-xaqiijinno ballan-qaadkeenna ah yoolalka iyo ujeeddooyinka Midowga Afrika.
