Sida aan kasoo xiganay wakaalada wararka Soomaaliyeed ee SONNA, Ciidamada Xoogga Dalka Soomaaliyeed ayaa howlgal kula wareegay Tuulada Geelgub oo qiyaastii 10 km ujirta Degmada Cadale ee Gobolka Shabellada dhaxe.
Howgalladani oo ah kuwa lagu sugayo amaanka degannadaasi ayaa waxaa hoggaaminaya Taliye ku xigeenka Ciidamada xoogga Dalka Soomaaliyeed, Sarreeye guuto, Maxamed Cali Bariise.
Sidoo kale ciidamada Xoogga Dalka Soomaaliyeed ayaa Tuulada Geelgub ka wado howl-gallo Miino baaris ah oo lagu xaqiijinayo ammaanka guud ee degaanka.
