Wiil uu dhalay Allaha u naxariistee Xildhibaan Cismaan Cilmi Boqore oo ku guuleystay doorashada kursigii uu ka geeriyooday aabihii.

Doorashada kursigan oo uu ka geeriyooday Allaha u naxriistee Xildhibaan Cismaan Cilmi Boqore ayay maanta guddiga dooroshooyinka madaxa banaan ee qaranka ku qabteen magaalada muqdisho waxaana isu soo taagay laba musharax oo kala ah; Cadnaan Cismaan Cilmi Boqore oo ah wiil uu dhalay u naxariistee Xildhibaan Cismaan Cilmi Boqore iyo Axmed Cismaan Xaashi.

Gudoomiyaha guddiga dooroshooyinka madaxa banaan ee qaranka ayaa ku dhawaqday natiijada ka soo baxday doorashada kursigaas.

Cadnaan Cismaan Cilmi Boqore ayaana ku guulaystay kurisigii uu ka geriyooday Allah u naxariistee aabihii Cismaan Cilmi Boqore waxuuuna helay cod gaaraya 48-cod halka Axmed Cismaan Xaashi uu helay 2-cod waxaa hallaabay 1-cod sidda aay ku dhawaaqday Gudoomiyaha guddiga dooroshooyinka madaxa banaan ee qaranka.