Waxaa maanta Magaalada Muqdisho ee caasimada dalka Soomaaliya ka furmay Shirka seddex biloodlaha ah Xeerarka Sharciga Shaqada (Rule of Law working group ) oo ay kasoo qayb galeen dhamaan Hay’adaha Bahda Cadaaladda Heer Federaal iyo Heer Dawlad-goboleed iyo dhinaca kale Deeqbixiyeyaasha taageera Bahda Cadaaladda Soomaaliya iyo Saaxiibada la shaqeeya ee isugu jira Hay’adaha Qaramada Midoobay iyo kuwo kale oo caalami ah.
Shirka waxaa wada shir guddoominayey Wasiirka Wasaaradda Cadaadda Abuukaate Xasan Xuseen Xaaji iyo Safaaradda Netherlands waxaana la joogay Madaxa Midowga Yurub, Madaxa Fulinta UNSOM, Xeer-illaaliyaha Qaran iyo Wasiirka Cadaaladda Koonfur-galbeed.
Shirka ayaa intii uu socday waxaa lagu soo wada bandhigay wax qabadkii sanadkaan dhamaanaya iyo hormarka ay ku tilaabsaseen Hay’adaha Bahda Cadaaladda ee Heer Federaal iyo Maamul Gobaleed.
