Wasiiru Dowlaha oo furay Kulanka wadatashiga diyaarinta qorshaha shanta sano ee horumarinta waxbarashada dalka.

Wasiiru Dowlaha Wasaaradda Waxbarashada Hiddaha iyo Tacliinta Sare Cabdi raxmaan Maxamuud Cabdulle (Jaabiri) ayaa maanta Magaalada Muqdisho ka daah furay Kulanka wadatashiga diyaarinta qorshaha shanta sano ee horumarinta waxbarashada dalka.

Wasiiro Dowlaha ayaa ka warbixiyay hormarkii ay ka gaareen kor u qaadista tayada waxbarashada dalka iyo marxaladihii kala gidisnaa ee ay soo martay waxbarashada dalka.

Sidoo kale wasiiru dowlada waxaa uu hoosta ka xariiqay in Wasaaradda waxbarashada ay samaysay qorsha qaran oo kor loogu qaadaayo aqoonta iyo kalsoonida lagu qabi karo arday tayo tacliin leh.