Wasiirka Shaqada iyo Arrimaha Bulshada Xukuumadda Federaalka Soomaaliya, Duraan Axmed Faarax oo socdaal shaqo ku jooga degmada Galdogob ee gobolka Mudug ayaa kulan la qaatay Odayaasha dhaqanka iyo Wax-garadka degmadaas.
Kulanka oo ka qabsoomay hoyga uu Galdogob ka degganyahay wasiirka , ayaa aad loogu dheeraaday arrimaha nabadeynta iyo horumarinta deegaanka iyo xoojinta shirarkii dib u heshiisiinta ee ka dhacay Bandiiradley iyo Galdogob.
Odayaasha dhaqanka ayaa codsaday waji saddexaad ee shirkaas uu yeeshay iyaga oo sheegay in ay talabadaasi u arkaan mid muhiim ah si loo gaaro dhaqan-gelinta qodobbadii lagu heshiiyay.
