Wasiirka Maaliyadda oo kulan la qaatay u qeybsanaha Hey’adda Cunada Aduunka ee Soomaaliya (WFP).

Wasiirka wasaaradda Maaliyadda xukuuumada federaalka Soomaaliya Dr. Cabdiraxmaan Ducaalle Bayle ayaa maanta xafiiskiisa ku qaabilay wafdi kasocday Hey’adda Cunada Aduunka ee Soomaaliya (WFP) oo uu hoggaaminaayay u qeybsanaha Hey’adda Cunada Aduunka ee Soomaaliya (WFP) Cesar Arroyo.

Wasiir Bayle ayaa waxaa kulanka ku wehlinaayay wasiirka wasaaradda Gar-gaarka iyo musiibooyinka xukuuumada federaalka Soomaaliya Xamza Saciid Xamza iyagoo wafdika kala hadlay sidii loo dar-dar galin lahaa howlaha gargaarka ah ee WFP ay ka wado Soomaaliya.

“Waxaan maanta Xarunta W.Maaliyadda ku kulanay u qeybsanaha Hey’adda Cunada Aduunka ee Soomaaliya (WFP) Mr #Cesar_Arroyo iyo Wasiirka W.Gargaar ka XFS Xamza Saciid Xamza. Waxaan ka wada hadalnay sidii loo dar-dar galin lahaa howlaha gargaarka ah ee WFP ay ka wado Soomaaliya”. Ayuu Yiri wasiir Bayle.