Virgil Van Dijk oo shaacaka qaaday xidiga mudan inoo ku guuleesto abaal marinta xidiga aduunka.

Kadib markii uu ku guulaystay koobka champions league daafaca kooxda Liverpool ee Van Dijk ayaa shaaca ka qaaday xidiga u qalma ku guulaysiga abaal marinta xidiga ugu fiican adduunka ee Ballon d’or-ka.

Daafaca reer Holland Virgil Van Dijk  ayaa aaminsan in uu xidiga kooxda Barcelona ee Lionel Messi uqalmo abaal marinta xidiga ugu fiican adduunka ee Ballon d’or-ka  xili ciyaareedkan.

Van Dijk ayaa door weyn ka qaatay ku guulaysiga Liverpool ee tartanka champions league  xili ciyaareedkan kadib markii ay reds 2-0 ugu awood sheegtay kooxda Spurs  finalka tartanka.

Kadib markii la waydiiyay suurtagalnimada ku guulaysiga  abaalmarinta Balon d’or-ka  ayuu yidhi ”waxan u malaynayaa in uu Messi u qalmo sababta oo ah waa xidig ugu fiican  adduunka”

“waa in uu Messi ku guulaysto aniguna kama fikiraayo arintaas laakiin hadii aan ku guulaysto waan iska qaadan laakiin waxa aan ku celinayaa waa in uu Messi ku guulaysto”