Waxaa maanta Magaalada Muqdisho dib ugu soo laabtay Taliya Ciidanka Boliiska Soomaaliyeed S/Gaas Bashiir Cabdi Maxamed Ameeriko iyo saraakiil kale oo safar shaqo ugu maqnaa dowlad Goboleedka Galmudug.
Taliya Ciidanka Boliiska Soomaaliyeed oo markii uu dib ugu so noqday Caasimada dalka isugu yeeray dhamaan Saraakiisha ciidamada ayaa ka xog waraystay xaaladda dalka.
Sidoo kale S/Gaas Bashiir Cabdi Maxamed Ameeriko ayaa ka warbixiyay imaanshihiisa maanta magaalada Muqdisho iyo sababta uu isugu yiirey saraakiisha ciidamada.
“Waxaan dib ugu soo laabanay Caasimadda Muqdisho Inaga oo maalmahaan safar shaqo u joognay Maamul Goboleedka Galmudug. Sido kale waxaan maanta iskuugu yeeray Dhamaan Saraakiisha fadhiyada Aniga oo ka xog wareystay xaaladda dalka”.ayuu taliyaha ku soo qoray Boggiisa facebook-ga.
Taliyaha ayaa intii uu ku sugnaa deegaanada Galmudug waxaa uu kormeeray saldhigyada ciidamada Boliiska Galmudug isagoo sidoo kale dhagax dhigay xarun cusub oo ay yeelaneyso dagmada cadaaddo Taas oo ay ku shaqeeyn doonaan Ciidanka Boliiska waxaa uuna balan qaaday in lasii laba laabi doono tayeeynta ciidanka Boliiska Galmudug.
