Tababaraha kooxda Liverpool ee Jurgen klopp ayaa ka hadlay fursadaha weerraryahanka Roberto firmino ee kulanka champions league kadib markii uu dhaawac muruqa ah ku seegay kulankii ay Liverpool guusha ka gaadhay kooxda huddersfield Town kulan ka tirsanaa horyaalka premier league.
Kooxda Liverpool ayaa 5/0 ku garaacday Huddersfield Town xili ay Sadio Mane iyo Mohamed Salah kala qaybsadeen goolasha xili uu Roberto firmino ka maqnaa kulankaas.
Jurgen klopp oo la hadlaya BBC sport ayaa yidhi “Roberto firmino waxa uu diyaar u ahaan doonaa kulanka Barcelona ha rumaysan waxa la isla dhex marayo baraha bulshada”
Waxa uu dareemay xanuun yar subaxnimadii jimcadii laakiin waxa aan xaqiijin karaa in uu diyaar buuxa u noqon doono kulanka Barcelona ayuu hadalkiisa raaciyay.
Roberto firmino ayaa gabi ahaan ka maqnaa kulankii Huddersfield kaas oo lama filaan ku noqday taageerayaasha reds.
Si kasta ha ahaatee tababare klopp ayaa ka farxiyay taageerayaasha kooxdiisa kadib markii uu xaqiijiyay in uu xidiga reer Brazil taam u noqon doono kulanka arbacada ee championsleague oo eey laciyaari doonaan Barcelona.
