Soomaaliya oo sheegtay in aysan diyaar u aheen dib maalin dib loo dhigo dhagaysiga Kiiska Muranka Badda.

15 cisho iyo maalma lagu daro oo kaliya ayaa ka harsan dhagaysiga garnaqsiga ugu dambeeya ee ay ka dhiibanayaan dacwada dhextaalla dowlada Soomaaliya iyo kenya kaas oo ku saabsan Muranka Badda ay galisay Kenya balse waxaa shaki ku jiraa in dowlada Kenya diyaar u aheen in ay qabsoonta dhagaysigaasi iyagoo ku andacwoonaayo in aysan jirin hal ay soo maraan Qareennada ku matalayay dacwadda.

Ra’iisal wasaare Ku-xigeenka Xukuumada federaalka Soomaaliya Mahdi Mohamed Guuleed Khadar oo waraysi ku saabsan arrimahaani siiyay laanta Afga Soomaaliga ee BBC-da ayaa sheegay maxkadama ay soo sartay go’aan ay ku sheegtay in ay sii wadi doonta shaqadeyda taasna ay suurta galinayso in Qareenada labada  dhinac kala matalaayo ay kaga qayb galaan doodahooda habka Casriga ah ee online-ka.

Sidoo kale Ra’iisal wasaare Ku-xigeenka dalka ayaa hoosta ka xaqiijiyay in dowlada Soomaaliya uu mowqifkeedu yahay in aan dacwadaas maalin dib loo dhigin sidaasna ay u qoreen Maxkamada Hague.

“Bishan Juun dalal dhawr ah ayaa dacwadahooda lagu dhegaysanayaa maqal iyo muuqaal, ilaa hada hal kiis ayay ku dhegaysatay, markhaatiyona way ku dhegaysatay maxkamadu maqal iyo muuqaal, markaa anaga waan ka hor nimi waan diidnay mawqifka Dawladda Federaalka Soomaaliya waxa weeye in aan dacwadaas maalin dib loo dhigin, go’aankaas ayaanan u qornay maxkamada caalamiga ah ee aduunka laguna dhegaysto dacwada habka maqalka iyo muuqaalka ah ama video confrene oo ay maxkamadu hada gacanta ku hayso kana shaqaysay tijaabisayna” ayuu yiri Ra’iisal wasaare Ku-xigeenka dalka.