Sii hayaha xilka Ra’iisul Wasaaraha dalka Mahdi Maxamed Guuleed Khadar iyo xildhibaanno ka tirsan BFS ayaa la kulmay Ra’iisul wasaaraha magacaaban mudane Maxamed Xuseen Rooble.
Sii hayaha Ra’iisul Wasaaraha iyo xildhibaannada wehliyay ayaa Ra’iisul Wasaaraha magacaaban u hambalyeeyay una muujiyay taageero iyo garab istaag.
Kulankaan ayaa waxaa uu ahaa mid isbarasho iyo is-xog wareysi ah maadaama Ra’iisul Wasaaraha Magacaaban uu yahay Shaqsi siyaasadda ku cusub sidoo kale aan weli helin kalsoonida Baarlamaanka.
Maalinta beri ah ayaa lagu wadaa in raisulwasaaraha magacaaban ee soomaaliya la horgeeyo xubnaha baarlamaanka si ay codka kalsoonida u siiyaan.
