Shirkadda Duulimaadyada Diyaaradaha ee Africa Airways  oo bilowday duulimaad toos ah oo ay ku tegeyso magaalada Baraawe.

Waxaa manta garoonka diyaaradaha ee degmada Baraawe ka dagay diyaaradii ugu horaysay oo si toos ah duulimaad ugu samayso Muqdisho ilaa Baraawe waxaana diyaaradaasi la socday mas’uuliyiin iyo rakaab.

Shirkadda Duulimaadyada Diyaaradaha ee Africa ayaa bilowday duulimaad toos ah oo ay ku tegeyso magaalada Baraawe ee gobolka Shabelaha Hoose taas oo sahli doonta in dad badan oo isugu jiro xujey, ganacsato iyo dalxiisayaasha daneeynaayo in ay booqdaan Magaalo xeebeedkaan si fudud ku tagi doonaan.

Safarkaan tooska ah ee ay samaysay Shirkadda Duulimaadyada Diyaaradaha ee Africa Airways ayaa waxaa ka hadlay maamulka shirkada waxaa ayna sheegeen in duulimaadyada shirkadda ay ka faa’ideysan doonaan ganacsatada,Xujeeyda,Bulshada iyo dadka qurbajoogta ah ee daneeynaya inay tagaan magaalada Baraawe Ee Xarunta Dowlad Goboleedka KoofurGalbeed.

Sidoo kale waxaa si aad ah duulimaadkaan cusub u soo dhaweeyay Shacabka ku nool degmada Baraawe oo ay sheegeen in ay ka xaqab tiri doonta baahiyo badan oo ay ka qabeen dhinacyada isku-socodka Muqdisho ilaa baraawe.