Wasiirka Arrimaha Dibadda iyo Iskaashiga Caalamiga ee dowlada federaalka Soomaaliya Amb. Axmed Ciise Cawad, ayaa maanta, booqasho sharafeed ugu tagay Ra’iisul wasaaraha Suudaan, Dr. Abdalla Adam Hamdok.
Intii ay ku guda-jireen kulanka ayaa waxa ay uga wadahadleen xiriirka labo geesoodka ee labada dal ee walaalaha ah u dhexeeya, kaasoo ka turjumaya daacadnimada rabitaanka iyo waxtarka dadaalka lagu horumarinayo iskaashiga wadajirka iyo muhiimadda ay leedahay isku duwidda.
“Xiriirka Soomaaliya iyo Suudaan waa mid lagu garto xushmad is-dhaafsi, is oggolaansho dhowr arrimood oo heer caalami ah iyo mid goboleed oo labada dalba muhiimad gaar ah u leh” ayaa lagu yiri qoraal kasoo baxay xafiiska wasaaradda arrimaha dibadda.
