Seddexdii Maalin ee loo qabtay TPLF in ay isku soo dhiban oo manta ku eg.

Guud ahaan dalka Itoobiya waxaa Haatan ka soconaayo munasabad lagu dhiiragalinaayo ciidamada Difaaca dalkaasi.

Laba daqiiqo ayaa la amray Muwadin kasto oo Itoobiyaan ah in uu u haddiyadeeyo ciidamada Difaaca isaga oo daqiiqad kamid ah labadaasi daqiiqo gacantiisa ku qaban doona wadnaha dhanka Midig.
Ra’isal wasaare Abi Ahmed oo boggiisa Facebooka ku soo qoray qoraal gooban ayaa Shacabka dalkiisa ka codsaday in Sacadda marka ay tahay 11:30pm ilaa 5:30pm ay xuskaas bilaabaan.

“Igula soo Biir Weyneynta Gabdhahayna iyo Wiilashayna Geesiyaasha ah ee Ciidamada Difaaca abaaro 11:30pm ilaa 5:30pm”

Sidoo kale maanta ayay ugu egtahay wakhtigii lasiiyay ciimada TPLF in ay isku soo dhiibaan hubka ay hayaana ay ciidamada Difaaca Itoobiya gacanta u soo galiyaan.
Abi waxaa uu sheegay in seddexdii maalin ay Tigray la siiyay si ay isku soo dhiibaan ay dhamaatay waxaa uuna xusay in Sharciga la dhaqan galin doona maalmaha soo aadan.

“Seddexdii Maalin ee la siiyay maanta ayay ugu egtahay. Ciidamada Gaarka ee Tigray iyo maleeshiyaadkii maqlay baaqa waa ay ku mahadsanyihiin go’aankooda ay ku bad baadiyeen shacabkooda” ayuu yiri Abi waxaa uuna intaasi sii raaciyay ” Iyaga oo uu wakhtiga gabaabsi yahay darteet, Sharciga kama danbaysta waxaa la fulin doonaa maalmaha soo aadan”

Tan iyo inta ay socotay colaada ka aloosan gobolka Tigray waxaa sare u kacay dadka barakacay. Dalka Sudan oo ah dal daris la ah Gobolka Tigray waxaa gaaray Barakacyaal ka cararay dagaalka iyaga oo sheegay in aysan haysan wax ay ku dabaraan baahiyaha aas aasiga ah.

Dagaalka Tigray iyo Ciidamada Itoobiyana waxaa uu garay dalka Dariska la ah Itoobiya ee Eritrea. TPLF ayaa gantallo ku weeraray Magaalada Asmara ee caasimada Eritrea iyaga oo horay ugu hanjabay in ay gooba muhiim ah bartilmaamaysan doonaan haddii aysan xukuumada Asmara joojin garabka ay siinayso ciidamada Itoobiya.