Kooxda Real Madrid ayaa ku sii dhawaanaysa saxiixyada xidigaha Eden Hazard iyo Luka Jovic kuwaas uu Zidane doonayo in uu ku xoojiyo kooxda inta lagu jiro suuqa kala iibsiga xagaaga.
TV-ga FOX SPORT ayaa sheegaya in ay kooxda Real Madrid wakhti cusub u qabatay ku dhawaaqista heshiisyada Eden Hazard iyo Luka Jovic si ay u noqdaan saxiixyada cusub ee kooxda ee xagaaga.
TV-ga ayaa sheegay in ay kooxda Real Madrid dhamaystirtay saxiixa xidigaha Eden Hazard iyo Luka Jovic kalana heshiisay kooxaha Chelsea iyo Eintracht Frankfurt saxiixyada labada xidig oo ka mid ah qorshaha tababare Zidane.
FOX SPORT ayaa sheegaya in uu xidiga Luka Jovic ciyaaray kulankiisii ugu dambeeyay ee kooxda Eintracht Frankfurt kulankii ay Bayer munich guusha 5-1 ka gaadhay kooxda Eintracht Frankfurt horyaalka Bundesliga.
Dhanka kale Eden Hazard ayaa kulankiisii ugu dambeeyay ciyaari doona kulanka finalka EUROPA league xili ciyaareedkan ee ay Blues la ciyaari doonto kooxda Arsenal.
