Ra’iisul Wasaare ku-xigeenka XFS oo maanta Salaadda Janaasada ku dukaday maydka Allaha u naxariistee Amb. Maxamed Warsame Cali Kiimiko.

Ra’iisul Wasaare ku-xigeenka xukuumadda federaalka Soomaaliya Mahdi Maxamed Guuleed (Khadar), wasiirro, xildhibaanno iyo mas’uuliyiin  kale ayaa maanta Salaadda Janaasada ku dukaday maydka Allaha u naxariistee Amb. Maxamed Warsame Cali Kiimiko.

Marxuum Amb. Maxamed Warsame Cali ayaa maalma ka hor ku geeriyooday dalka Kenya maanta ayaaana dalka dib loogu soo celiyay. Marxuumka ayaa kamid ahaa aasaasayaashii, Maamulka Galmudug, isaga oo noqday Madaxwaynihii ugu horeeyay ee Galmudug.

Marxuumka ayaa lagu aasay Qabuuraha Isbitaal Madiina ee magaalada Muqdisho Salaadda Janaasada kadib, Ra’iisul Wasaare ku-xigeenka iyo dhammaan mas’uuliyiintii kale ee ka qayb galay aaska ayaa marxuumka Allah uga baryay in uu u naxariisto.