Ra’iisul wasaare Khayre oo qaabilay wasiiru dowlaha arrimaha dowladda Ingiriiska u qaabishan arrimaha Afrika.

Ra’iisul Wasaaraha xukuumadda federaalka Soomaaliya, Xasan Cali Khayre ayaa xafiiskiisa ku qaabilay wasiiru dowlaha arrimaha dowladda Ingiriiska u qaabishan arrimaha Afrika, Andrew Stephenson.

Ra’iisul wasaare Khayre iyo Andrew Stephenson ayaa ka wada hadlay adkeynta xariirka labada dawladood, horumarrada laga gaaray siyaasadda iyo dhaqaalaha iyo taageerada dawladda Ingiriiska ee Soomaaliya, dib-u-heshiisiinta.

Xasan Cali Khayre, Ra’iisul Wasaaraha xukuumadda federaalka Soomaaliya ayaa dawladda Ingiriiska uga mahad celiyay taageerada iyo is-garab istaagga dadka iyo dawladda Soomaaliyeed.

wasiiru dowlaha arrimaha dowladda Ingiriiska u qaabishan arrimaha Afrika,Andrew Stephenson ayaa dawladda ku ammaantay guulaha ay ka gaartay dib-u-qaabaynta maaliyadda iyo siyaassada, waxa uuna ku celiyay in dawladda ingiriiska ay ka go’antahay taageerada dadaallada dib-u-habaynta, hagaaajinta amniga iyo horumarka.

Andrew Stephenson ayaa booqaashada uu ku yimid dalka Soomaaliya waxaa ayna  noqonaysa booqashadiisi ugu horeysay oo uu ugu baxo dalka Ingiriiska meel aan aheyn taas oo muujinayso sida ay dowlada Ingiriiska u xiisaynayso dowlada Soomaaliya.