Raiisel wasaaraha Pakistan oo garay Sri Lanka xili muslimiinta dalkaas ay ku dhiban yihiin aaska dadka u dhinta COVID-19.

Raiisel wasaaraha Pakistan Imran Khan ayaa kormeer ku tagi doona gooba dhowr ah oo ku yalla magaalada Colombo ee wadanka Sri Lanka maanta oo Talaado ah. Khan ayaa Sri Lanka ku joogi doona laba maalin oo booqasho rasmi ah.

Raiisel wasaaraha Pakistan Imran Khan ayaa booqashadiisa uu ku gaaray Sri Lanka kusoo aadaysaa iyada oo muslimiintu ku mudaharaadeen agagaarka xafiiska madaxweynaha iyagoo dalbanaya in dawladdu u ogolaato dadka u dhinta COVID-19 in la aaso halkii la gubi lahaa.

Muslimiinta Sri Lankan ayaa rajeynaya in Khan uu wax ka qaban doona arinta aaska markii uu la kulmo dhiggiisa Talaadada iyo Arbacada.

Khan ayaa la kulmi doona Madaxweyne Gotabaya Rajapaksa iyo walaalkiis ka weyn, raiisul wasaare Mahinda Rajapaksa inta uu ku jiro booqashadiisa labada maalmood ah.

Qiyaastii 2,000 oo dibadbaxayaal ah ayaa isugu soo baxay meel u dhow xafiiska madaxweynaha ee Colombo iyagoo dalbanaya in loo oggolaado aaska muslimiinta u dhinta COVID-19.

Sri Lanka waa dal u badan Buddhist halka ay caado u tahay Buddhist iyo Hindus, oo ah kooxda labaad ee diinta ugu weyn, inay meydkooda aasaan. Muslimiintu waxay qiyaastii yihiin 7% dadka dalka ku nool oo ah 22 milyan.

Dawladdu waxay dalbatay in la gubo dhammaan dadka u dhinta COVID-19, iyadoo sheegtay in fayraska ku jira haraaga bini’aadamka uu sumayn karo biyaha dhulka hoostiisa mara.

Dadka muslimiinta ah iyo kuwa aan muslimiinta ahaynba waxay ka mudaharaadeen xukunkan sanadkii la soo dhaafay, iyagoo ku tilmaamay mid aan cilmi ku dhisnayn isla markaana aan u nuglayn caqiidooyinka muslimiinta aaminsan yihiin. Qaramada Midoobay iyo Mareykanka ayaa sidoo kale walaac ka muujiyay xukunkan ka dowladda Sri Lanka.

Ururka Caafimaadka Adduunka iyo kooxaha dhakhaatiirta Sri Lanka ayaa sheegay in dhibbanayaasha COVID-19 la aasi karo ama la gubi karo.

Srilanka waxaa laga soo tabiyay 80,516 kiis oo coronavirus, oo ay ku jiraan 450 dhimasho.