Ra’iisal wasaare Khayre oo Tababar u soo xiray ciidan loogu tala galay in ay ka qayb qaataan sugidda Amniga dalka.

Ra’iisul Wasaaraha xukuumadda federaalka Soomaaliya Xasan Cali Khayre ayaa maanta xerada Gen. Goordan ee Magaalada Mugdisho tababar ugu soo xiray ciidama loo diyaariyay in ay ka mid noqdaan Ciidamada Xoogga ee ku sugan deeganada gobolada dalka halkaas oo ay kawadaan howl-gallo amaanka lagu xaqiijinaayo.

Xasan Cali Khayre, Ra’iisal wasaaraha dalka oo kudhbad dhiiri gelin ah u jeediyay ciidanka maanta tababarka dhamaystay ayaa waxaa uu kula dar-daarmay in ay dalkooda si daacad ah ugu adeegaan dhabar adeegna Muujiyaan.

Ra’iisal wasaare Khayre ayaa ballan qaaday in xaquuda ay ciidanku leeyihiin loo dhammaystirayo, waxaa uuna ugu mahad-celiyay sida ay diyaarka ugu yihiin in ay difaaacaan dalkooda iyo dadkooda.