Ra’iisal wasaaraha Xukuumada federaalka Soomaaliya Xassan Cali Khayre ayaa maanta markale dib u ugu laabtay deegaanka Huurshe iyo xeraale oo uu horay u tagay markii uu socdaalka nabada ku maraayay deeganada Galmudug .
Ra’iisal wasaaraha oo ugu horeyn tagay deegaanka Huurshe ayaa ugu sii gudbay magaalada Xeraale si uu u hubiyo Dhaqangalka heshiiskii ay wada gaareen shacabka Huurshe iyo Xeraal.
Xassan Cali Khayre, Ra’iisal wasaaraha Xukuumada federaalka Soomaaliya ayaa deegaanka Huurshe ka soo ka xeeyay qoysas-kii Colaada uga barakacay Magaaladda Xeraale , waxana soo dhaweyn Wanaagsan iyo Hilow umuujiyey shacabka ku nool deegaanka xeraale.
Shacab aad u tira badan oo isugu jiray Odayaal, haween iyo Caruur oo sitay boorar ay ku xardhanyihiin sawirada Ra’isal wasaare khayre iyo eraya ka turjumaayay sida ay u door bidayaan nabada kuwaas oo qaar kood u qornaa sida tan ”COLAAD DANBE MAYA NABAD HAA” iyo “HILBA WADA DHASHIYO HEYB QUREYNU NAHAY” ayaa ra’iisal wasaaraha kusoo dhaweeyay magaalada xeraale.
