Xassan Cali Khayre Ra’iisul Wasaaraha xukuumada Federaalka ah ee Soomaaliya, ayaa xalay kormeer ku tagay qaar kamida goobihii ay shalay qaraxyada ka dhaceen waxaa uuna halkaas kula kulmay ciidamada amaanka ee kusugnaa baraha kontorool ee uu boqday.
Ra’iisal wasaare Khayre ayaa ciidanka amanka ku amaanay shaqada wacan ee ay u hayaan shacabkooda waxaa uuna ku booriyay in ay sii laba jibaaraan dadaalada ay ku xaqiijiniyaan amaanka isagoo u balan qaaday in abaal marino la guddoonsiin doona ciidankii fashiliyay weeraradii shalay ka dhacay caasimda.
Ra’iisal wasaare Soomaaliya Xassan Cali Khayre ayaa tacsi u diray dhamaan eheladii iyo qaraabadii ay dadkii ku dhintay qaraxyadii shalay ka dhacay caasimda waxaa uuna Alla ugu baryay in uu caafiyo dadkii ku dhaawacmay.
