Ra’iisul Wasaaraha xukuumadda federaalka Soomaaliya, Xasan Cali Khayre iyo wafdi uu hoggaaminayo ayaa safar dhulka ku gaaray degmada Cadaado ee gobalka Galguduud waxaa ayna kasoo anbabaxeen magaala Madaxda Dowlad gobaleedka Galmudug ee Dhuusamareeb.
Wafidiga uu ra’iisal wasaaruhu hoggaaminayo ayaa waxaa magaalada Godinlabe kusoo dhaweeyay madaxwaynaha Galmudug, Axmed Ducaale Geelle (Xaaf) iyo Mas’uuliyiin kale.
Ra’iisal wasaaruhu waxaa safarka ku wehlinaayay qaar kamida golahiisa wasiirada, xildhibaanno iyo mas’uuliyiin kale.
Ra’iisal wasaare Khayre ayaa safarkiisa ka bilaabay Magaalada Dhuusamareeb isagoo halkaasi kula kulmay qaar kamida madaxda Galmudug iyado uu maantana ugu soo gudbay Magaalada Cadaado halkaas oo uu kula kulmay Madaxweynaha Galmudug Ahmed Ducaale Geelle Xaaf wuxuuna inta uu jooga Galmudug kulamo la qaadan doonaa masuuliyiinta Galmudug iyo Bulshada qaybaheeda kala duwan si loo dar dar galiyo dhismaha dowlad gobaleed loo dhanyahay.
