Ra’iisal wasaaraha dalka oo Booqasha ugu tagay askartii dhawaca kasoo gaaray weerarkii saldhiga Awdheegle.

Ra’iisulwasaare Xasan Cali Khayre ayaa maanta Isbitaalka ku booqday askarta ka tirsan ciidanka xoogga dalka ee shalay ku dhaawacmay weerarkii  dagalamayasha Al Shabaab ay  ku qaadeen xarun ciidamada dowlada Soomaaliya ay ku leeyihiin degamada Aw-dheegle ee ka tirsan gobalka Shabeellada Hoose.

Ra’iisul Wasaaraha ayaa xaal wareystay askartan dhaawaca qabta waxana uu Allah ugu baryey in u caafimaad Deg Deg ah siiyo.

Booqashada Ra’iisul wasaare Xasan Cali Khayre  ee uu ugu tagay askarta ayaa qeyb ka ah  dadaallada lagula soconayo xaaladda Caafimaad ee dhaawacyadooda laguna dhiirri gelinayo howsha ay uhayaan shacabka.

Askarta Isbitaalka ku jirta ayaa Ra’iisul wasaaraha Xukuumada federaalka uga mahadceliyay booqashada iyo dhiirri gelinta uu ugu yimid waxa ayna ballan qaadeen in ay dib uga laaban doonan furimihii ay ku dhaawacmen marka ay bogsodaan.