Maxkamadda G/Banaadir ayaa maanta Xukun Ku Riday Nin U Dhashay dalka Ingiriiska kaa oo loo haysto khal-khal gilinta Amniga Goroonka diyaradaha ee Aadan Abdulle Cusmaan (Aadan Cadde).
Ninkan oo lagu magacaba Andrew Braian ayaa maxkamadu waxa ay sheektay in ninkan laba ka mid ah qodobadii lagu soo eedeeyey lagu waayey islamarkaana lagu heley Qodobka 34-aad ee Xeerka Nabadgalyada guud ee dalka waxana lagu xukumay in uu bixiyo lacag gaareysa $7,000 oo doolarka Maraykanka ah.
Maxkamadda Gobolka Banaadir ayaa dhawaan u fariisatay Kiiska Andrew Braian oo la qabtay isaga wata Agab Ciidan kana dhoofin rabay Goroonka diyaradaha ee Magalada Muqdisho waxana ninkan gacanta ku soo dhigay ciidamada amaanka Goroonka Muqdisho.
Ciidamada ilaalada Garoonka Diyaaradaha Muqdisho ayaa ninkan horaan ku qabtay isagoo watay 7 Khasnadood iyo Jaakadaha anay Xabbaddu Karin xili uu doonayey in uu ka dhoofo goroonka diyaradaha Aadan Cade ee magalada Muqdisho.
