Naadiga Everton yaa xaqiijiyay in ay lasoo wareegtay Weeraryahanka kooxda Juventus Moise Kean.
Moise Kean ayaa ka hadlay dareenkiisa kadib markii uu ka mid noqday naadiga Everton waxaa uuna sheegay in uu aad ugu faraxsan yahay In uu kamid noqda naadi awood leh iyo in ay sharaf u tahay in uu xirto fanaanada naadiga Everton.
“aad ayaan ugu faraxsanahay, sharafna way ii tahay in aan xirto fanaanada Everton. Dadaalkayga ugu badan ayaan ku bixin doonaa kooxda” ayuu yiri Moise Kean.
Maamulaha kooxda Everton Marco Silva, ayaa sheegay in weeraryahankaan uu ahaa bartilmaameedkoodi koowaad ee xagaagan, waxaa uuna Moise ku tilmaamay in uu yahay laacib awood leh, fudud, diyaarna u ah in uu u shaqeeyo naadiga.
Maamulaha ayaa intaa ku daray in uu laacib kaan ka filinaayo in uu kooxda wax badan ka badali doona.
19-sano jirkaan reer Italy ayaa ah laacib raja weyn ka qabo in uu mustaqbal ka yeesho xirfadda cayaarista Kubadda cagta inkastoo horyaalka Talyaaniga ee uu hadda kasoo wareegay uu aad ugu duwan yahay horyaalka England.
