Weeraryahanka Barcelona ee Meesi ayaa si rasmi ah xalay ku guuleestay abaal marinta gool dhaliyaha champion-ka ee xili ciyaareedkii 2018/2019-ka.
Messi ayaa tartankaan kaga haray wareega semi-finalka ka dib markii lugtii labaad kooxda Barcelona lagu garaacay 4-gool oo nadiif ah xili lugtii Camp Nou ay Barcelona ku badiyeen sedex gool oo nadiif ah.
Champion-ka ayaa xalay la soo afjaray ka dib markii la ciyaaray finalka kaasi oo dhex maray Liverpool iyo Tottenham waxaana laba gool ku qaaday Liverpool waana markii 6-aad ee ay taariikhdooda qaadayaan.
Messi ayaa tartankaas ka dhaliyay xili ciyaareedkaan soo dhamaaday 12-gool waxaana kaliya baacsanayay weeraryahanka Bayer Munich ee Robert lewandowski kaasi oo 9-gool lahaa isna.
Hadaba waxa ay messi u tahay markii 6-aad ee uu qaadayo abaal marintaas waxaana kaliya haatan ka sareeya Ronaldo oo 7-jeer qaaday.
Marka labadaas laacib laga yimaado waxaa boos sedexaad ku jira xidigii hore qaranka Jarmalka ee Gerd Muller kaasi oo afar jeer haysta.
