Maxkamada Ciidanka ayaa 8-sano oo xabsi ah Ku xukuntay rag lagu edeeyay In ay ahaayeen Burcad.

Rag  lagu soo eedeeyay inay si burcadnimo ah ugu dhici jireen dadka rayidka ah iyagoo xiran dareeska ciidamada ayaa Maxkamada ciidamada qalabka sida ku xukuntay min siddeed sano oo xabsi ah.

Raggan xukunka lagu riday ayaa la sheegay in ay isticmaalayeen farsamooyin ay isugu ekeysiinayaan in ay yihiin ciidamo dowladdu u wakiilatay canshuur qaadis, waxa ayna inta badan ka howlgali jireen wadada isku xirta Muqdisho iyo Afgooye.

Guddoomiyaha Maxkamadda Darajada Koowaad Ee Ciidamada Qalabka Sida Gaashaanle Sare Xasan Cali Nuur Shuute ayaa ku dhawaaqay in min 8-sano oo xabsi ah lagu riday ragan burcada ah ee Maxkamada la horgeeyay.

Raga  Xukunka xabsiga ah lagu riday ayaa kala ah:

Maxamed Cali Cabdi Cali, Maxamed Cismaan Camaleey, Cabdifitaax Cali Cabdullaahi, Axmed Cabdi Rooble  iyo Maxamed Cumar Diini sida uu u sheegay warbaahinta Gaashaanle Sare Xasan Cali Nuur Shuute Guddoomiyaha Maxkamadda Darajada Koowaad Ee Ciidamada Qalabka Sida.