Mas’uuliyiin katirsan maamulka Gobolka Shabellaha Hoose oo maant safar shaqo ku tagay Degmada Qoryooley.

Mas’uuliyiin uu hoggaaminaayo Gudoomiyaha Gobolka Shabellaha Hoose Ibraahim Aadan Cali Najax ayaa maanta gaaray Degmada Qoryooley waxa ayna kormeereen xaruma ay kamid yihiin sooqa degmada iyo isbitaalka Guud ee degmada.

Guddoomiyaha iyo mas’uuliyiinta lasocotay waxaa degmada Qoryooley ku soo dhaweeyay maamulka degmada iyo shacabka degmada.

Maamulka degmada oo warbixin siiyay goddoomiyaha ayaa kala hadlay baahida uu qabo Cisbitaalka Guud ee degmada Qoryooley waxa ayna ka codsadeen in wax laga qabto iyagoo guddoomiyaha xasuusiyay in shaqaalaha Cisbitaalka aysan wax lacag ah qaadan muddo laba sano ah.

Guddoomiye Ibraahim Aadan Cali Najax ayaa sheegay in ay wax ka qaban doonaan baahida ay shacabka reer Qoryooley ka cabaniyaan isagoo wasaaradaha maamulka Koonfur galbeed ka codsaday in ay wax ka qabtaan baahida ay soo gudbiyeen shacabka ku dhaqan degmada Qoryooley gaar ahaan wasaaradaha waxbarashadaha iyo Caafimaadka.

Goddoomiyaha oo waqti la qaatay shacabka ku dhaqan deeganka Qoryooley ayaa ugu mahadceliyay soo dhawenta ay u sameeyeen.