Diyaarad siday maydka marxuum Cabdiraxman Cumar Cismaan Eng. Yariisow ayaa manta ka soo degtay goroonka diyaradaha ee magalada Muqdisho ee caasimada Soomaliya waxana goroonka ku sugnaa madaxda ugu sareysa dowlada fadaralka Soomaliya.
Madaxda ayaa Salaada Janaasada marxumka kula tukaday Garoonka Diyaaradaha ee Aadan Cabdulle ee magalada muqdisho.
Marxuum Cabdiraxman Cumar Cismaan Egn. Yariisow ayaana ugu dembeyn lagu aasay Khabuuraha ku yaala xerada General Kaahiye ee magaalada Muqdidho.
Ra”isul wasaare ku xigeenka Dalka Mahadi maxamed Guuleed qadar ayaana Aaska ka dib la Hadlay saxaafada waxana umada Soomaaliyeed dhamaan uga tacsiyadeeyay Geeridii ku timid allah ha u naxariistee gudoomiyihii gobolka Banadir Cabdirahmaan Cumar Cismaan (Eng.yariisow).
“Allaha u naxariisto walaalkeen Eng. Cabdiraxmaan Cumar Cusmaan. Waxa uu ahaa shaqsi sharaf leh, edeb leh, Akhlaaq leh, waxa uu lahaa dhammaan astaamaha qof muslim ah laga doonayo, walaal weyn oo nagu qaali ah ayaa naga baxay ee samar iyo iimaan Alla haynaga siiyo dhamaanteen” ayuu yiri Mahdi Mohamed Guulled.
