Ciidanka Booliska dalka kenya ayaa maanta soo xiray 8 xildhibaan oo ka tirsan Baarlamaanka dalkaasi Kenya kuwaas oo xiligaas kasoo dagay garoonka diyaaradaha ee Wilson.
Xildhibaanadaan oo kasoo jeeda gobolka Waqooyi Bari kenya ayaa la sheegay in ay si fasax la’aan ah ama arrima aan la aqoon u aadeen dalka Kenya aysana wax ogolaansha ah waydiisan afhayeenka Baarlamaanka dalkaasi kenya.
Seddeedda (8) xildhibaan ayaa la sheegay in ay kala yihiin Ahmed Kolosh oo kasoo jeeda galbeedka Wajir, Ibrahim Abdi oo kasoo jeeda Lafey, Rashid Kassim oo kasoo jeeda Bariga Wajir, Mohamed Hire oo kasoo jeeda Lagdera, Omar Maalim oo kasoo jeeda Bariga Mandera, Bashir Abdullahi oo kasoo jeeda Waqooyiga Mandera, Adan Haji oo kasoo jeeda Galbeedka Mandera iyo Kullow Maalim oo kasoo jeeda Banisa sida ay baahiyeen warbaahinta gudaha dalka Kenya.
xeriirka dowlada Kenya iyo Soomaaliya oo bilihii ugu danbeeyay kolba mar xumaanaayay ayaa loo sababaynayaa in xildhibaanadaasi lagu haysto iyadoo ay asbuucaan gudahiisa ay dowlada Soomaaliya eedeyn u jeedisay dowlada Kenya waxaa ayna ka codsatay in ay joojiso fara-galinta qaawan ee ay ka waddo xaduuda dalka uu la leeyahay Kenya.
