Madaxweynaha dowlad goboleedka Hirshabeelle Dr. Maxamed Cabdi Waare Ayaa ka hadlay safarkii madaxweynayaashii hore ee dalka oo maanta ka dagay Garoonka Baladweyne ee xarunta gobolka Hiiran.
Madaxweyne Waare ayaa sheegay in safarka madaxweynayaasha uu ahaa mid Qatar badan halistiisana wato, waxaa uuna sheegay in safarkooda xalay uu kusoo wargaliyay madaxweyne Ku xigeenkiisa.
Madaxweyne Waare ayaa intaasi ka dib sheegay in uu saaka wacay madaxweyne Xassan sheeq isaga oo rabo in uu kala hadlo xaaladaha garoonka oo aan sahlaneen balse waxaa uu sheegay in madaxweyne Xassan uu ula hadlay si kulul.
Ugu danbayn madaxweynaha dowlad goboleedka Hirshabeelle ayaa sheegay in uu la xisaabtami doona shirkaddii u bareertay in ay qaadato masuuliyadda duulimaadkaasi.
