Madaxweynaha Dowlad goboleedka Galmudug Axmed Cabdi kaariye ayaa galabta safar shaqo ugu amba baxay Dalka Turkiga.
Ka hor Inta uusan ka dhoofin garoonka diyaaraddaha Aadan Cade, ayuu shir jaraa’id ku qabtay, kuna faaf-faahiyey arrimo badan oo ku saabsan safarkiisa Turkiga.
Madaxweyne Qoor Qoor ayaa carabka ku adkeeyay in shirka Dhuusamareeb ku qabsoomi doonno waqtigii lagu ballamay.
Madaxweynaha ayaa uga mahadceliyey Madaxda Dowladda Fadaraalka, iyo Dowladaha xubnaha ka ah, doorkii wacnaa oo ay ka qaateen qabsoomida shirarkii hore, isagoona ku baaqay in shirka 15 Agoostana si mugleh looga soo qeyb-galo una rejeeyey inuu ku dhammaado guul iyo is-afgarad.
