Magaalada Baydhabo ee xarunta dowlad goboleedka Koonfur Galbeed Soomaaliya waxaa maanta laga daahfuray Mashruuc faa’ido badan u leh shacabka maamulkaasi Koonfur Galbeed.
Madaxweynaha Dowlad goboleedka Koonfur Galbeed Soomaaliya Cabdicasiis Xasan Maxamed (Laftagareen) oo daahfuray mashruucaan oo loogu magac daray mashruuca Biyooley ayaa sheegay in uu yahay mid ka turjumaayo hormarka uu maamulkiisa ku talaabsaday.
Madaxweyne Cabdicasiis Xasan Maxamed (Laftagareen) ayaa sidoo kale sheegay in mashruucaan ay ka faa’ideysan doonaan 39,000 (Sodon iyo sagaal kun) qof oo kunool deegaanada Koonfur Galbeed Soomaaliya.
