Madaxweyne Lafta-gareen oo sheegay in ay sharciga horkeeni doonaan cid kasto oo lug ku leh colaadda Wanlaweyn.

Madaxweynaha dowlad Goboleedka Koonfur Galbeed Soomaaliya Cabdicasiis Xasan Maxamed Lafta-gareen oo ka hadlay Colaadda ka socota Degmada Wanlaweyn ee Gobolka Shabeellaha Hoose ayaa marka hore tacsi u diray dadkii ku geeriyooday colaadda Wanlaweyn, isagoo colaadaasi ku tilmaamay mid islaanimada iyo Soomaalinimada ka fog.

Madaxweyne Lafta-gareen ayaa sidoo kale sheegay in ay sharciga horkeeni doonaan cid walba oo ku lug leh dagaalka xun ee maalmihii la soo dhaafay ka socday Degmada Wanla-weyn iyo deegaanada hoostaga.

Qoraal ka soo baxay Xafiiska madaxweeyne Lafta-gareen ayaa waxaa lagu sheegay in Guddi loo saari doono colaada Wanla-weyn, kuwaasi oo si deg deg ah u kala dhex geli doona beelaha walaalaha ah ee ku dagaalamayo Wanlaweyn.