Madaxweynaha Dowlad Goboleedka Koonfur Galbeed Soomaaliya Cabdi Casiis Xasan Maxamed(Lafta-gareen) oo Maalmahan kusugan caasimada Nairobi ee Dalka Kenya ayaa kulan la qaatay Safiir Ku Xigeenka Dowlada Jermalka iyo Madaxa Hormarinta Iskaashiga Caalamniga ee Dowlada Jermalka.
Kulanka ayaa intii uu socday, waxaa ay labada dhinac kaga wada hadleen Deeqaha Dowlada Jermalka ay Siiso Dowlada Soomaaliya iyo Sidii Qeybta Gobolada Koonfur Galbeed Loo Kordhin Lahaa loona Dardar gelin lahaa Sidii Bulshada Reer Koonfur Galbeed ay Uga Fa’ideysan lahayeen Mashariicda Dhinacyada Shaqa Abuurka, Dib udhiska, Waxbarashada, Caafimadka, iyo Hormarinta Bulshada, Shirka ayaa sido kale inta uu Socday Waxaa looga hadlay Arimaha Samafalka iyo Kaalinta ay ka Qaadanayso Dowlada Jermalka.
Madaxweyne Cabdicasiis Lafta Gareen ayaa Umahadceliyey Madaxda Safaarada iyo Dowlada Jermalka Kaalinta Hormarineed ay ka Geysanayaan Guud ahaan Dalka Gaar ahaan Gobolada Koonfur Galbeed Waxaana uu ku Dhiirageliyey inay Sii Laba jibaaran Shaqada ay ka hayaan Deeganada Koonfur Galbeed Soomaaliya.
