Wararka
Madaxweyne ku xigeenka Somaliland oo ka tanaasulay kursiga Guddoomiye ku xigeenka Kulmiye.
Kursigaan ayaa waxaa uu hadal hayen badan ka dhex dhaliyay shacabka ku dhaqan Somaliland.
Madaxweyne-ku-xigeenka Maamulka Somaliland, ahna guddoomiye-ku-xigeenka Afraad ee xisbiga KULMIYE Cabdiraxmaan Cabdilaahi Ismaaciil (Saylici), ayaa maanta shaaciyey inuu ka tanaasulay damaciisii ahaa inuu mar kale kursigaas u tartamo.
Wasiirka wasaaradda Ganacsiga, dalxiiska iyo wershedaha, Maxamuud Xasan Sacad (Saajin) oo ahaa shaqsigii ay sida weyn iskugu hayeen kursigaas ayaa ha hadlay dareenkiisa isagoo u mahad celiyay Madaxweyne-ku-xigeenka Maamulka Somaliland.
“Waxan uga mahadnaqaya madaxweyne-ku-xigeenka oo gartay inuu iiga tanaasulo arrintii aannu isku qabannay, waa nin xisbiga raggii dhisay kamid ah, dedaal badannina kasoo galay, isaga oo u tudhaya xisbigii uu Aasaasayaashiisa kamid ahaa, maanta inuu iiga tanaasulo wuxuu iga mudan yahay mahad.” Wasiirka wasaaradda Ganacsiga, dalxiiska iyo wershedaha, Mudane Maxamuud Xasan Sacad (Saajin).
