Madaxweyne Ku-xigeenka Puntland oo Tababar u soo xiray Cutubya ka tirsan Darawishta Puntland.

Madaxweyne Ku-xigeenka Dowlad goboleedka Puntland Axmed Cilmi Cismaan Karaash, ayaa maanta tababar u soo xiray cutubyo ka tirsan Ciidamada Daraawiishta Puntland oo muddo 6 Bilood ah tababar uga socday xerada Tababarada Ciidamada Daraawiishta Puntland ee Xorgoble.

Madaxweyne Ku-xigeenka ayaa ciidamada uu tababar ka u soo dhamaaya ku amaanay dadaalkii iyo dulqaad kii ay muujiyeen intii uu tababarka u socday waxaa uuna hoosta ka xariikhay in masuuliyiinta dowlad goboleedka Puntland ka go’antahay daryeelida ciidamada.

Sidoo kale Axmed Cilmi Cismaan Karaash, Madaxweyne Ku-xigeenka Dowlad goboleedka Puntland ayaa taliyaha ciidamada Darawiishta Puntland faray in ciidamadaan oo maray hanaanka diwaan galinta casriga ee cidamada loo dhamaytiro agabka ciidan iyo xaquuqdooda.