Madaxweyne Ku Xigeenka Dowlad goboleedka Galmudug Cali Dahir Ciid Oo Maalmahan waday kormeer ku aadan u kuurgelidda Howlaha Hay’adaha Dowliga ah iyo Wasaaradaha ayaa maanta koormeer Hawleed kutegay Xarunta Wasaarada Maaliyada.
Wasiir Kuxigeenka Wasaarada Maaliyadda Mukhtaar Cali Cismaan ayaana xarunta Wasaaradda kusoo dhaweeyey.
Cali Ciid ayaa ka dhagaystay warbixin guud oo ku saabsan Wasaaradda, Wasiirka Kuxigeenka wasaarada isagoona sidooo kale indha-indheeyey Waaxyaha & Qaybaha kala duwan ee Wasaarada Maaliyada Galmudug.
Wuxuu ku ammaanay Masuuliiyiinta & shaqaalaha Wasaaradda Maaliyadda sida quruxda badan oo ay u gudanayaan waajibaadka loo xilsaaray isagoona faray inay sii dardargeliyaan adeega ay bulshada u hayaan.
