Madaxweyne Farmaajo “waxaa Magaalada Muqdisho ka dhacay 182 fal danbi halka Seddexdii bilood ee ugu horeysay”

Madaxweyne Maxamed Cabdullaahi Farmaajo ayaa maanta si rasmi ah u daahfuray Kalfadhiga 7-Aad ee Baarlamaanka Federaalka Soomaaliya oo ka qabsoomay Xarunta Kumeel Gaarka ah ee Golaha Shacabka.

Madaxweynaha dowlada federaalka Soomaaliya Maxamed Cabdullaahi farmaajo oo jeediyey khudbadiisa Dastuuriga ah ayaa waxaa uu khudbadiisa kaga hadlay arimo dhoor ah oo ay ka mid yihiin Doorashooyinka Dalka,Aamaanka,Caafimaadka, Waxbarashada, Guulaha ay Ciidanka ka Gaareen Dagaalka Al-shabaab iyo wada hadahadalada Soomaaliland iyo Soomaaliya.

Madaxweyne Farmaajo oo Dhanka kale ka hadlay amaanka Muqdisho ayaa Tusaale usoo qaatay isbedelka muuqda ee laga gaaray dhanka amaanka caasimada Muqdisho ayaa sheegay in hoos u dhac ballaaran uu ku yimid faldanbiyeedyadii ka dhici jiray magaalada tan iyo sanadkii 2018-ka.

“Guulaha ay ciidamadeyna gaareen waxaad ka dareemi kartaan Amniga Magaalada Muqdisho inkastooy wali fara ka qodneyn, Tusaale ahaan, seddexdii billood ee ugu horeysay ee sanadkii 2018-ka waxaa Magaalada Muqdisho ka dhacay 182 fal danbi halka Seddexdii bilood ee ugu horeeyay sanadkii 2019 kii waxaa ka dhacay 74 fal danbi, sanadkaan aan ku jirno seddexdiisi bilood ee ugu horeyey 24 fal danbi fare kama qodna ilaa aanu gayna meel hoose Hadduu Illahy Yirahdo” ayuu Yiri Madaxweyne Farmajo.

Madaxweyne dowlada federaalka ayaa sidoo kale markale ku Celiyey in Dalka ay ka dhici doonto Doorasho Qof iyo Cod ah, isagoo Xisbiyada Siyaasadeed ee Dalka uga baaqay in Si Cadaalad ah uga qeyb qaataan Doorashooyinka Dalka.