Madaxwaynaha Dawlad goboleedka Puntland Siciid Cabdullaahi Deni, oo ka hadlaayay faa’iidada ay leedahay bisha barakaysan ee Ramadhaan ayaa waxaa uu bogaadiyey heshiis ay magaalada Nairobi ku gaareen madaxda Jubbaland iyo muraacadkii Golaha Isbedel doonka ee Jubaland.
Madaxweynaha Puntland Siciid Cabdullaahi Deni ayaa sidoo kale ugu baaqay Madaxweynaha dowlada federaalka iyo ra’isal wasaaraha Jumhuuriyada in ay ka faa’ideystaan fursan uu ku tilmaamay “dahabi” taas oo uu ku sheegay in ay talaabo kale oo horay loogu dhaqaaqay dib u heshiisiinta umadda Soomaaliyeed.
“Maadaama kii Galmudug uu dhamaaday kii Jubbaland na uu dhamaaday waxaa halkaasi ka muuqata fursad Qaali u ah Madaxweynaha Jamhuuriyadda federaalka Soomaaliya iyo Ra’iisal wasaaraha Jamhuuriyadda federaalka Soomaaliya in Fursadaasi ay ka faa’ideystaan ayna ka gudbaan marxaladaha adag ee uu dalka soo maray” ayuu yiri Madaxweyne Deni.
