Madaxweynaha dowlad goboleedka Puntland Siciid Cabdullaahi Deni, ayaa maanta ku qaabilay magaalada Garoowe, Wafdi kasocda Midowga Europe oo uu hoggaaminayo Ergayga Midowga Europe ee Soomaaliya Nicolás Berlanga Martínez, ayna ka midyihiin Safiirka Talyaaniga ee Soomaaliya Alberto Vecchi iyo Safiirka Sweden ee Soomaaliya Staffan Tillander.
Kulanka oo ay Madaxweynaha kala qeybgaleen Wasiirada Wasaaradaha arrimaha Gudaha, Qorsheynta iyo Wafaafinta, ayaa looga hadlay xaaladda guud ee Soomaaliya iyo arrimaha doorashooyinka.
Kulanka ay Wafdi kasocda Midowga Europe la yeesheen madaxweynaha Puntland ayaa ku soo aadayo xili maalinimadii shalay ay kulan wada qateen wakiilada Beesha caalamka, madaxweynaha dowlada federaalka, Ra’isal wasaaraha xukuumada federaalka, madaxweynayaasha dowlad goboleedyada Koonfur Galbeed, Hirshabelle iyo Galmudug.
