Madaxweynaha Jubbaland oo warbixin ka dhagaystay masuuliyiinta wasaaradda Biyaha macdanta iyo Tamarta Jubbaland.

Madaxweynaha Dowlad Goboleedka Jubbaland Axmed Maxamed Islaam ayaa ayaa maanta kulan isla xisaabtan ah la qaatay wasaaradda Biyaha macdanta iyo Tamarta waxaana masuuliyiinta wasaaradda uu madaxweynaha ka dhagaystay waxyaabahii u qabsoomay Sanadkan sii dhamaanaya iyo qorshayaasha Sanadka soo socda.

Wasaaradu waxay Dayactirtay Ceelasha biyaha Garbahaarey, Diif iyo Kismaayo kuwaas oo aan wax dayactir ah helin Wakhtiyo badan waxaa kale oo Wasaarada u hirgalay Dhismaha xarumo lagu sifeeyo biyaha webiga Jubba ilaa saddex deegaan oo ka tirsan Kismaayo biyo gelinta Kismaayo ee Wabiga Jubba oo uu dhawaan bilaaban doono wajigiisa 1aad Biyo gelinta deegaanada dadka dib uga soo laabtey xeryaha qoxootiga ee Dhadhaab.

Masuuliyiinta wasaaradda Biyaha macdanta iyo Tamarta Jubbaland ayaa ka warbixiyay dayac tir ay ku samaysay qaar kamid ah ceelasha biyaha ee deeganada Jubbaland oo kala ah Diif iyo Kismaayo kuwaas oo aan wax dayactir ah helin Wakhtiyo badan waxaa kale oo Wasaarada ka warbixisay hirgalinta Dhismaha xarumo lagu sifeeyo biyaha webiga Jubba ilaa saddex deegaan oo ka tirsan Kismaayo biyo gelinta Kismaayo ee Wabiga Jubba oo uu dhawaan bilaaban doono wajigiisa 1aad iyo Biyo gelinta deegaanada dadka dib uga soo laabtey xeryaha qoxootiga ee Dhadhaab.

Sidoo kale wasaaradda ayaa ka warbixisay ka jawaabida abaaraha oo ay sheegtay in ay biyo dhaamin balaaran ka samaysay deegaanada Jubbaland, Diyaarinta Siyaasadda tamarta ee Jubbaland iyo Tababarida dhalinyaro ku shaqeysa qalabka ku shaqeeya tamarta cadceeda.

wasaaradda Biyaha macdanta iyo Tamarta ayaa sheegtay in ay u dajisantahay qorshaha Hirgelinta mashruuca biyaha ee Yoontooy-Kismaayo oo magaalada Kismaayo biyaha looga keenayo deegaanka Yoontooy kaas oo maalinkasta bixin doonaa 50,000,000 Litir ( Konton Malyan oo litir).