Madaxweynaha Galmudug oo la doortay iyo wareega 3-aad ee madaxweyne ku-xigeenka Galmudug oo loo gudbay.

Doorashada madaxweynaha dowlad goboleedka Galmudug oo maanta ka dhacday Magaalada Dhuusa-mareeb ee xarunta dowlad goboleedka Galmudug ayaa la shaaciyay in uu ku guulistay Axmed Cabdi Kaariye {Qoorqoor}.

Doorashadaan madaxweyne ayaa waxaa ku tartamay 4 murashax iyadoo ay guddiga doorashada madaxweynaha iyo ku xigeenka ay ku dhawaaqayn in Axmed Cabdi Kaariye {Qoorqoor} uu helay 66 cod.

Sidoo kale hadda ayaa waxaa loo gudbay wareega 3-aad ee doorashada madaxweyne ku-xigeenka dowlad goboleedka Galmudug oo ay isugu soo hareen Musharax madaxweyne  Cali Daahir Ciid oo wareega 1-aad helay 26 Cod iyo Cabdi Qani Sheekh Cali Diini 26 Cod isna helay.

Waxaa wareega 2-aad ee dorashada iscasilay Maxamed Xaashi Cabdi (Carabeey) oo helay 12 Cod.

Halkaan kala soco wixii kusoo kordha doorashada Galmudug.