Kulan deg deg ah oo ay isugu yimaadeen maamulka degmada Balad-xaawo ee gobolka Gedo ayaa looga hadlay kiisas cusub oo la xariira xanuunka coronaviruska oo laga helay degmadaasi Balad-xaawo.
Guddoomiyaha Degmada Balad-xaawo Axmed Bare Sheeq oo warbaahinta la hadlay ayaa sheegay in magaalada Balad-xaawo ay tahay xaduud seddex gaysood ah taas oo ay Qatar tahay la tacaalista xanuunka safmarka ah ee COVID-19. Waxaa uuna dowlada ka codsaday in ay si deg deg ah ula soo gaaraan qalabka difaaca ee Coronaviruska oo ay ku xirin dowlad goboleedka Jubbaland.
Maamulka Isbitaalka Guud ee balad-xaawo oo dhankooda ka hadlay xaaladahaan cusub ee coronaviruska ayaa sheegay in kiisas kaani cusub laga soo xaqiijiyay Shaybaarka dhexe ee dowlada federaalka Soomaaliya 14-kii Bishaan. Sidoo kale maamulka ayaa intaasi ku daray in bukaanada hadda laga helay xanuunka ay xaaladooda ka soo reenayso.
