Madaxweynaha dowlad Goboleedka Puntland oo si rasmi ah u daahfuray Bandhigga Buugaagta Garoowe.

Madaxweynaha dowlad goboleedka Puntland Saciid Cabdullahi Deni ayaa maanta Si rasmi ah u daahfuray Bandhigga Buugaagta Garoowe.

Madaxweynaha ayaa Xarunta Jaamacadda PSU Garoowe kaga qayb galay Bandhigga Buugaagta Garoowe oo sanadkii 5-aad laga qabanaayo Puntland.

Saciid Cabdullahi Deni ayaa ugu mahadceliyay cidkasto oo gacan ka gaysatay isku dubaridka iyo qaban qaabada munaasabada lagu daahfuray Bandhigga Buugaagta Garoowe isagoo intaa raaciyay in lagama maarmaan ay tahay waxbarashada loona baahan yahay dad wax qora si cilmiga looga faa’iideysto.