Madaxwaynaha maraykanka Donald Trump ayaa aqbalay martiqaad uu ka helay boqoradda Ingiriiska Queen Elizabeth II, safarkaas ayaa qadan doona mudda 2malin ah waxaa uuna dhici doona 3-da bisha Juun iyadoo ay madaxwaynaha ku wehlindoonta xaaskiisa Melania Trump.
Madaxwayne Trump ayaa safar shaqo ku tagay dalka U.K horaantii sanadkii 2018, waxaana lagu wadaa in uu ka qaybgalo sanadguuradii 75aad ee digaalkii 2aad ee Dunida.
Wadamadii ka qaybqaatay dagaalkii 2aad ee Dunida ee dhinacii dalka Ingiriiska ka howl galaayay ayaa ayaguna lagu casuumay madashaas, waxaana kamida wadamada lagu casuumay Maraykanka, Kanada, Faransiiska, Australia, New Zealand, Belgium, Luxembourg, Poland, Norway, Denmark, Netherlands, Greece, Slovakia iyo Czech Republic. Jarmalka ayaa sidoo kale lagu martiqaaday kulankaas.
