Kooxda Barcelona ayaa lagu soo waramayaa in ay si weyn uga cabsi qabto in ay Liverpool ku garaacdo saxiixa da,yarka daafaca uga ciyaara kooxda Ajax ee Matthijs Deligt .
Matthijs de ligt ayaa ku raaxaysanaya xili ciyaareed cajiib ah waxana si weyn loo saadaalinayaa in uu ku biiri karo kooxaha uga waaweyn Yurub suuqa xagaaga.
Barcelona ayaa si weyn loola xiriirinayay xidiga Reer Holland laakiin wargayska MUNDO DEPORTIVO ayaa sheegaya in ay ka wal-wal qabto in ay Liverpool dhamaystiro saxiixa xidiga.
Wararka ayaa sheegaya in ay Barcelona la kulantay wakiilka da,yarka todobaadkii hore iyaga oo ogaaday in ay 75milyan oo Euro ku qaadan doonto in ay helaan xidiga.
Matthijs De ligt ayaa dhaliyay 7gool 54kulan oo uu u ciyaaray kooxdiisa xili ciyaareedkan isaga oo 2gool dhaliyay semi-finalkii tartanka champions league.
