Muqdisho, November 22, 2020 – Wasiiru dowlaha Arrimaha Dibadda iyo Iskaashiga Caalamiga, Balal Maxamed Cusmaan, ayaa ku qaabilay maanta oo Axad ah xafiiska uu ku leeyahay Wasaaradda ee Caasimadda Muqdisho, Siihayaha Safaaradda Jabuuti u qaabilsan Jamhuuriyadda Federaalka Soomaaliya, Maxamed Ibraahim Yuusuf.
Intii kulanka lagu guda-jiray, ayaa waxaa laga wada hadlay xoojinta xiriirka labo geesoodka, ballaarinta dhinacyada iskaashiga iyo in si wadajir ah looga shaqeeyo waxa u adeegaya danaha wadaagga ah ee labada dal iyo labada dal ee walaalaha ah .
Sidoo kale waxa ay la isla fallanqeeyeen dhowr arrimood oo muhiimad u leh labada dhinac oo la xiriirta amniga iyo xasilloonida gobolka iyo kan caalamiga ah.
