Kooxda Inter Milan ayaa wadahadalo la furatay kooxda Man United iyaga oo ka doonaya saxiixa xidiga weerarka uga ciyaara ee Romelu Lukaku inta lagu jiro suuqa kala iibsiga xagaaga sanadkan.
Wakiilka Lukaku ayaa dhankiisa wadahadalo kula jira Inter Milan si uu heshiiska shaqsiga ah haatanba ula gaaraan inter Milan si deg-deg ahna loo dhamaystiro heshiiska.
Wargayska MIRROR ayaa sheegaya in ay kooxda Inter Milan dalabkii ugu horeeyay miiska u saartay Man United kaas oo dhan 30milyan oo Euro ah laakiin ay Red Devils si deg-deg ah u diiday.
Laakiin Inter Milan ayaa haatan diyaar la ah dalab cusub oo dhan 30milyan oo Euro ah iyo waliba xidiga garabka ka ciyaara ee Ivan Perisic oo ay Man United si aad ah u dooneeysay adeegiisa wakhtigii Jose Mourinho.
Tababare Ole Gunnar Solskjaer ayaa qorshahiisa kasaaray weeraryahanka Romelu Lukaku isaga oo isku diyaarinaya in u badalkiisa u dhaqaaqo.
Dalabka cusub ee ay Inter Milan diyaarka la tahay ayaa faa’iido weyn u ah marka loo eego in ay Man United raadinayso xidiga garabka ka ciyaara inta lagu jiro suuqa xagaagan.
